چھائیاں

بیوٹی ٹپس کے حوالے سےمیرے پاس آنے والی بہنوں کی کالزمیں سب سے زیادہ جو مسئلہ میرے سامنے آیا ہے،وہ چھائیوں کا مسئلہ ہے،جو آتیں تو بہت چپکے سے ہیں لیکن ان کے خاتمے کے لیے بہت ہی پاپڑ بیلنے پڑتے ہیں۔ویسے تو اس کے بہت سارے علاج ہیں لیکن ایک تو ظاہر ہے کہ وہ بہت مہنگے ہیں اور دوسرا مسئلہ یہ بھی ہےکہ ہر ٹریٹمنٹ جلد کی مختلف اقسام کے
حوالے سے تجویز کی جاتی ہے۔اب آپکی جلد کی کیا قسم ہے اور کون سی چیز آپکو فائدہ دے گی اس کا بغیر دیکھے فیصلہ کرنا بہت مشکل ہے۔
اس لیے میں آج آپکو چھائیوں کے خاتمے کے لئےکچھ ایسے گھریلو ٹوٹکے بتاتی ہوں جن کے استعمال سے با آسانی چھائیوں سے چھٹکارا پایا جا سکتا ہے،بشرطیکہ جتنا وقت آپ کو استعمال کرنے کو کہا جائے،اتنا وقت باقائدگی سے اور پوری توجہ سے استعمال کریں۔

لیموں کا رس:

چھائیوں کو دور کرنے کے لئے لیموں کا رس ایک بہت ہی بہترین چیز ہے۔بلکہ چہرے پر ہونے والے بھورے رنگ کے داغ دھبےجو بڑے بدنما لگتے ہیں،ان کے لئے بھی لیموں کا رس ایک طرح کے بلیچ کا کام کرتا ہے۔

طریقہ استعمال:

تازہ لیموں کارس چھائیوں پر لگائیں اور مساج کریں۔10۔15 منٹ لگا رہنے دیں،پھر نیم گرم پانی سے دھو لیں۔دن میں دو تین دفعہ ضرور لگائیں ۔ چند ہی دنوں میں واضح فرق ضرور نظر آیئگا لیکن اسے چھوڑیں نہیں بلکہ کم از کم تین مہینے تک ضرور استعمال کریں۔انشاءاللہ بہت اچھا نتیجہ سامنے آیئگا۔اس مقصد کے لئے لیموں کے اور بھی استعمالات ہیں:
ایک اور طریقہ یہ بھی ہےکہ آدھے لیموں میں ڈیڑھ چمچ چینی ملائیں اور چہرے پر لگائیں۔ہفتہ میں ایک سے دو بار کر لیں۔
4۔2 چمچ دودھ میں آدھا لیموں ملائیں۔اسے پھینٹ کر چہرے پر لگائیں اور خشک ہونے کے لئے چھوڑ دیں،پھر اسے پانی سے دھونے کے بجائے کسی نرم ٹشو یا تولئے سے صاف کر لیں اور کوئی اچھا موسئچرائزر بھی استعمال کریں۔
یہ عمل خصوصاً حساس جلد والے لوگوں کے لئے ہے، کیونکہ لیموں کو دودھ میں ملانے سے اس کی تیزی میں کمی آجاتی ہے اس عمل سے نہ خشکی ہوگی نہ جلن۔ روزانہ دن میں ایک بار کریں جب تک چھائیاں ختم نہ ہو جائیں۔دودھ کی جگہ دہی بھی استعمال کی جا سکتی ہے۔

شہد:

شہد تو بہت ہی مفید ہےچھائیوں کے خاتمے کے لئے،کیونکہ اس میں انیزائم ہوتے ہیں۔
طریقہ استعمال:
فریش پپیتے کے جوس میں ایک چمچ شہد ملا کرچہرے پے کاٹن کے ذریعے لگائیں اور پھر مساج کریں۔10 منٹ کے بعدٹھنڈے پانی سے دھو لیں۔روزانہ دن میں ایک بار کریں۔کچھ ہفتوں تک یا جب تک اطمینان بخش نتیجہ نہ ملے۔

پیاز:

پیاز بھی چھائیوں کے خاتمے کے لئے استعمال کی جا سکتی ہے اور داغ دھبوں کے خاتمے کے لیے بھی فائدہ مند ہے۔ بہترین نتائج کے لئے لال پیاز استعمال کریں۔

طریقہ استعمال:

ایک لال پیاز کو گول قتلوں میں کاٹ کر چھائیوں پر آہستگی سے ملیں ۔دن میں دو بار اس عمل کواس وقت تک جاری رکھیں جب تک چھائیاں ختم نہ ہو جائیں۔
اس کے علاوہ لال پیاز کا رس نکال کر چھائیوں پر لگائیں۔بہترین نتائج کے لئے اس میں ایک چمچ سرکہ بھی ملا لیں اس عمل کو بھی روزانہ کریں۔

Facebook Comments

Comments are closed.