لیموں کی چٹنی

اجزاء:

کاغذی لیموں۔۔۔۔۔۔۔۔۔۔ایک کلو
ادرک۔۔۔۔۔۔۔۔۔۔۔۔۔۔ایک چھٹانک
چینی۔۔۔۔۔۔۔۔۔۔۔۔۔۔۔تین پاؤ
نمک۔۔۔۔۔۔۔۔۔۔۔۔۔۔۔حسب ذائقہ
سرخ مرچ۔۔۔۔۔۔۔۔۔۔۔چائے کا ایک چمچ

ترکیب:

سب سے پہلے لیموں دھو کر صاف کر لیں ،لیموں کاٹ کر ان کا عرق نکال لیں۔چاقو کی نوک سے چھلکے میں سے گودا نکال لیں ،چھلکے لچھے دار کاٹ کر رکھ لیں ۔ایک پتیلی میں چھلکے ڈال کر اس میں تھوڑا سا پانی اور تھوڑا سا نمک ڈال دیں ۔اب انہیں پکنے دیں خوب پکائیں ،یہاں تک کہ گل جائیں چھلکے گل جائیں تو انہیں چھلنی میں ڈال دیں تاکہ پانی نچڑ جائے اور چھلکے خشک ہو جائیں ۔اس کے بعد ایک پتیلی میں چینی کا شیرہ تیار کریں ۔جب ایک تار کا شیرہ بن جائے تو اس میں لیموں کا رس ،چھلکے اور گودا ملا دیں ،تھوڑا سا نمک اور مر چ بھی ڈال دیں،ادرک بھی باریک باریک کاٹ کر شامل کر دیں اور پکنے دیں،جب پک پک کر شیرہ آدھا رہ جائے تو اتار لیں ،ٹھنڈا ہونے پر محفوظ کر لیں ۔بہت مزیدار چٹنی تیار ہو گی اور آپ کے کھانوں کا لطف دوبالا کرے گی۔

Facebook Comments

Comments are closed.