سانولی سلونی سی رنگت ۔۔۔

گندمی رنگت کی خواتین بہت پر کشش اور جاذبِ نظر ہوتی ہیں یہی وجہ ہے کہ ہلکا پھلکا میک اپ کرنے سے بھی ان کے چہرے کے خدوخال بہت نمایاں ہوجاتے ہیں ۔ مگر بد قسمتی سے ہمارے ہاں گوری رنگت کو خوبصورتی کی علامت سمجھا جاتا ہے ۔یہی وجہ ہے کہ ہر لڑکی خوبصورت نظر آنے کے لیے گوری ہونا چاہتی ہے ۔یہاں ایک افسوس ناک بات یہ ہے کہ اکثر لڑکیاں رنگ گورا کرنے کے لیے فارمولا کریمز استعمال کرنے لگی ہیں جو انکی جلد کی اوپری تہہ کو جلا دیتی ہیں ۔قدرتی طور پر گوری رنگت والی خواتین اچھی تو لگتی ہیں مگر یہ بھی دیکھیں کہ یورپ اور امریکہ کی خواتین سن باتھ کے نام پر گھنٹوں سورج کی تیز دھوپ میں بیٹھ کر اپنی جلد جلاتی ہیں ۔تاکہ انکی قدرتی گوری رنگت سانولی یا گندمی دکھا ئی دے ۔بہر حال یہاں کچھ میک اپ ٹپس بتائی جا رہی ہیں جنہیں آزمانے سے آپ کا چہرہ یقیناً زیادہ خوبصورت اور تازہ دکھائی دے گا۔

پرفیکٹ فاؤنڈیشن لگانے کے چھ سٹیپ

1- ہمیشہ اپنی جلد سے میچ کرتی ہوئی فاؤنڈیشن استعمال کریں
فاؤنڈیشن خریدتے ہوئے اس طرح چیک کریں کہ اپنے ہاتھ اوپری جلد پر لگا کر اچھی طرح ملیں ،یہاں تک کہ جذب ہونے کے بعد جلد فریش نظر آنے لگے ۔
2- چہرے کو اچھی طرح صاف کرلیں ویسے فاؤنڈیشن لگانے سے پہلے ٹونر یا موئسچرائزر کا استعمال ضرور کریں ۔یہ جلد کو ملائم کرتا ہے ۔
3- فاؤنڈیشن چہرے کےہر حصے پر سپنچ میک اپ برش یا انگلیوں کی مدد سے پھیلائیں آپ کے ہاتھوں کی موومنٹ تھوڑی سی گالوں کی جانب ہونی چاہئے ۔یہ تکنیک چہرے کی جھریوں کو کم کرنےمیں بھی مدد گار ثابت ہوتی ہے ۔
4-ناک اور آنکھوں کے اطراف میں فاؤنڈیشن لگاتے ہوئے احتیاط سے کام لیں ۔اسی طرح آنکھوں کے پپوٹوں پر بھی فاؤنڈیشن کی ہلکی سی تہہ آئی شیڈز کو دیر تک قائم رکھتی ہے ۔
5- ماتھے پر فاؤنڈیشن لگاتے وقت درمیانی حصے سے بالوں کے آغاز تک لے جائیں اور بالوں کے ساتھ ساتھ اچھی طرح پھیلائیں تاکہ بالوں اور ماتھے کے درمیان واضح لائن کھینچی ہوئی محسوس نہ ہو ۔
6- مکمل طور پر فاؤنڈیشن لگانے کے بعد فیس پاؤڈر کو میک اپ برش سے چہرے پر پھیلائیں ۔اور برش کی مدد سے تمام چہرے پر پاؤڈر اور فاؤنڈیشن کے پھیلاؤ کا یکساں کرلیں ۔اب آپ جو بھی میک اپ کرنا چاہیں بے فکر ہو کر کریں ۔کیونکہ اب آپ کو فریش نظر آنے سے کوئی نہیں روک سکتا ۔

بلش آن اور فیس پاؤڈر استعمال کرنے کا طریقہ

 

فیس پاؤڈر اور کنٹورنگ (contoruring( کا شیڈ آپ اپنے قدرتی رنگت سے ایک نمبر ہلکا یا گہرا لیں اس سے میک اپ نیچرل لگتا ہے ۔فیس پاؤڈر استعمال کرنے کا صحیح طریقہ یہ ہے کہ چیک بون (cheek bone( سے لے کر جا لا ئن Jaw line تک برش کی مدد سے بلش آن لگائیں سانولی رنگت کے لیے پنک کی بجائے پیچ کلر میں بلش آن زیادہ مناسب ہے ۔اس سے میک اپ زیادہ دیر تک فریش رہتاہے ۔
کنٹورنگ کے لیے ڈارک شیڈز استعمال کریں
ہر فیس کٹ کے لیے کنٹورنگ ضروری نہیں لیکن اگر کنٹورنگ ضروری ہو تو اس کے لیے الگ برش استعمال کریں اسکے علاوہ کنٹورنگ پاؤڈر کا رنگ فیس پاؤڈر سے گہرا ہونا چاہئے ۔

آنکھوں کا میک اپ

بھنؤں کے لیے ڈارک براؤن کی بجائے نارمل براؤن شیڈ استعمال کریں تاکہ سوفٹ لُک آئے ۔لباس کی رنگ کی مناسبت سے آئی شیڈز استعمال کریں ۔جب کہ سموکی میک اپ کی بجائے بلک شیڈز سے صرف آنکھوں کے کونوں کو گہرا کریں ۔یہ بھی یاد رہے کہ چھوٹی آنکھوں کے لیے سموکی میک اپ بالکل مناسب نہیں کیونکہ اس سے آنکھیں مزید چھوٹی دکھائی دیتی ہیں ۔آئی لیشز لگانے سے پہلے اور بعد میں آئی لائنر لگائیں اور آئی لیشز کو گلو سے چپکانے کے بعد مسکارالگائیں ۔

article-2458623-18BBD24B00000578-627_634x406 (1)

ہمیشہ ڈارک لپ سٹک لگائیں

یہ خیال کیا جاتا ہے کہ ڈارک کلر کی لپ سٹک سانولی یا گندمی رنگ کے لیے مناسب نہیں جبکہ یہ نظریہ بالکل غلط ہے تمام ڈارک شیڈز کے علاوہ ڈسٹی ،ٹی پنک اور پیچ کلر بھی سانولی رنگ کی خواتین پر بہت سوٹ کرتا ہے ۔
سانولی رنگت کی خواتین کے بال قدرتی طور کالے اور گھنے ہوتے ہیں
سانولی رنگت کی خواتین کے بال کالے ،گھنے اور ریشمی ہوتے ہیں لیکن اگر آپ انہیں ڈائی کرنا چاہتی ہیں ۔تو کافی براؤن کلر کا انتخاب آپ کی رنگت کو نکھار دے گا ۔

اگر پھر بھی آپ سانولی رنگت کو نکھارنا چاہتی ہیں تو ۔۔۔۔۔

5-Beautiful-Makeup-Tips-For-Girls-Glasses2-590x755
1- وائٹنگ فیشل باقاعدگی سے کروائیں
2- ہر بار دھوپ میں جانے سے پہلے سن بلاک ضرور استعمال کریں
3- رات سونے سے پہلے لیمو ، شہد اور عرقِ گلاب کا ماسک لگائیں اور صبح تازہ پانی سے چہرہ دھو لیں
4- پپیتا اور تازہ کریم کا پیسٹ بنا کر پندرہ منٹ کے لیے چہرے پر لگا رہنے دیں
5- روزانہ کلیزنگ کو اپنا معمول بنا لیں

Facebook Comments

POST A COMMENT.